2009-01-30


سجل يا تاريخ
انهارده يوم مهم فى حياتى

فرحانه
يارب ديمها نعمه

يـــــــــــارب

2009-01-28

مش عارفه


مش عارفه
كل اللى اعرفه ان الوقت ده المفروض اكون مبسوطه
انا اه مبسوطه

بس خايفه
خايفه جدا



خايفه اصحى على ذكرى

يعنى مش عارفه

مكتوب عليا
ازعل ومفرحش
ويوم ما افرح
معرفش


واخاف احسن ازعل بعد الفرح ده


اعمل ايه

!!!!!غريبه مش كده



2008-06-24

زائر الليل


..لقد دقت الساعه الحاديه عشر ليلا ..ففى هذه الأيام التى اكون فيها عند نينتى بدون كومبيوتر ونت وماسينجر ويوتيوب ومنتدى وكل وسائل الإتصال بالعالم الخارجى دى ..وبما انى مش بحب التلفزيون فبتضطر أدخل انام بدرى حبتين .. وطبعا خدوا عندكم 3 اربع ساعات كده لما النوم يجى ..

وطبعا الحر عامل عمايله فقررت افتح ازاز الشباك واقفل الشيش طبعا عشان يجيب شويه هوا..وعارفه ان الناموس هيهل ..فقولت ناموس ناموس بس يبقى فيه هوا..


بعد حوالى ساعتين والناموس بيحوم حواليا سمعت اصوات غريبه كده وبما ان اختكم جبانه جدا -فقولت ده حرامى- ولأن كل اسبوع لازم احس ان فى حرامى جاى الوقتى من الشباك فقولت بلاش عبط وطلعت الموبايل ولعبت snake ومقولوكوش اللعبه دى انا الاولى ع الجمهوريه واتحدى اى حد يوصلى لانى جايبه فيها 184368 ومشوفتش حد جاب السكور ده قبل كده وأنا بلعب يا أصحابى سمعت الصوت ده تانى أنتابنتى لحظات صمت وكتمت نفسى عشان اسمع كويس وطبعا أكيد هتتخيلو منظرى .. كنت مقتوله من الرعب ..وانا بسمع كويس ومركزه لمحت حاجه سودا ع الحيطه

...................ايــــــــــــــــــــــــــــــه ده ................ده صورصــــــــــــــــــــار ..ياريته كان حرامى .......:(:(:(:(

طبعا الرعب اللى تملكنى خلانى اقفز قفزه ع الارض وجريت ع النور ونورت الاوضه واكتشفت صفه جديده فى الضيف ده انه ضيف طائر -----ايوه بيطير ------بقيت بصوت مش عارفه اعمل ايه مهو مش هروح اصحى نينتى وأقولها فى صورصار طائر

وفى هذه اللحظاتأختبأ هذا الزائر ولا أدرى اين اختفى ... جالى احباط وقررت انام .. بس انام باسلوب خاص...انتظرونى البوست القادم فى باقى زائر الليل فاصل طويل ونواصل


بره البوست : بحاول ارجع تانى فى مدونتى بس محتاجاكم تساعدونى

2008-01-03

لا اعلم لماذا اصبح الناس هكذا


فى الاول بس انا بعتذر على غيابى وتاخيرى وعدم اهتمامى بالمدونه فى الفتره الاخيره والسبب انى جهازى حاله بقت صعبه جدا مش بيشجع حد انه يعمل اى حاجه

المهم نيجى لموضوعنا

لماذا اصبح الناس هكذا

ليه الناس بقت كده

ليه الطيبه والامان والحب وكل حاجه كويسه اختفت

ليه الطيب بقى عبيط وساذج

ليه عشان اتعامل مع اللى قدامى لازم افرض سوء النيه عشان ميضحكش عليا

ليه حاله الثقه انعدم

ليه كل ده

هو الزمن ده ضلم اوى كده ليه

الف ليه وليه

وانتوا برضه لسه مفهمتوش هو فى ايه


من سنه او اقل شويه

كنت ضفت شويه صديقات من المنتدى ع ايميلى

وكان وسط الاصدقاء دول بنت مكنتش عارفه هيا من المنتدى ولا لا

كل مره اتكلم معاها اتحرج اسالها انتى منين

كنت فاكراها من المنتدى

طلعت هيا اللى ضفتنى وانا نسيت

المهم

عرفت انها من اسكندريه

وقعدنا نتكلم واتصاحبنا

وبقيت انا وهى نتكلم يوميا

وبقيت عارفه عنها كل حاجه

وهى كمان

مهو فى ثقه

انا شفت صورتها

شكلها محترم وبنت كويسه

مش هطول عليكم

بس البنت دى اتجوزت وسافرت البحرين

وبرضه انا لسه بكلمها

ومن يومين بس

كنت بشوف اليوزر بتاعى على الفيس بوك

لمحت صورتها موجوده فيوزر تانى

وصاحبه اليوزر دى ليها كمان صوره تانيه غير صوره صديقتى

اتجننت

زعلت على صحبتى افتكرت ان حد خد صورها ونشرها

بس بعد عده محاولات

فهمت انى اخدت مقلب جميل اوى

صدمه جامده جدا

انى بكلم شخصيه وهميه

عشت سنه مع شخصيه لا وجود لها

سنه شخص مريض قاعد يكلمنى وداخل جوه شخصيه مش بتاعته

واجهته بالصور اختفى

بس انا اتعلمت درس


درس اسمه عدم الثقه

عدم الامان

عدم الطيبه


هو ليه بقينا كده


سؤال مستنيه اجابته عشان انا مش عايزه اتغير

انا عايزه افضل طيبه كده


2007-10-22

احنا مين


السؤال فى كلمتين احنا مين وليه وفين

ليه بنضحك واحنا اصلا مجروحين



نقول ع الظلم عدل ونقول ع الضلمه فجر

واما البرئ يشتكى نروح ما نعرف فين


العيب علينا وفينا ولا دى غلطه مين

اشجع ما فينا جـبان وكلنـا ضايعيــن





وصل بحالنا الزمن بدل اغتصاب للبدن
بقى اغتصاب للوطن مالخونه والفاسدين



لكن يا طاقه الامل جوانا عزم وعمل
يـقدر يـهـد الجـبل ويـفوق النايـميـن
العيب علينا وفينا ولا دى غلطه مين
اشجع ما فينا جـبان وكلنـا ضايعيــن



2007-09-29

رساله الى غائب


المرسل: زى ما كنت بتقول آيه بنتى الغاليه
الزمان : وقت كتابه الرساله ومتهيالى انها مش هتوصل
المكان: هتفضل لسه فى كشكولى وهنا ع المدونه
المرسل إليه :(خالو حسن) حسن البغدادى شوشه
-:الرساله
وحشتنى اوى اوى
انا اسفه انى مكنتش موجوده يوم ما رحلت
لانى والله مكنتش اعرف
ربنا يتولاك بمغفرته و رحمته الواسعه

نسألكم الفاتحه

2007-09-27

والدى العزيز


أشكرك
لقد علمتنى الكثير والكثير
علمتنى معنى كلمه بابا
فمعناها يا أبى ليس بالسهل أبدا
أنا بحمد ربنا أن أنت بابا
مش عارفه من غيرك كنا عيشنا أزاى
أشكرك على وجودك معنا دائما فى الأزمات
فنادرا نجد هذا الأب الحنون مثلك
يا أبى الأباء الأن يتركون أولادهم
ولا يعلمون كيف يعيشون
أشكرك يا أبى على كل شئ
فأنت أب والأياء قليلون