احنا اه محتاجينها وعايزنها دايما
وحياتنا دى دايره حواليها
بس احنا لازم ندرك ان احنا نقدر نتحكم فى مدى احتياجنا ليها
لازم نحط فى دماغنا انها بتروح وتيجى
ومش لازم نتبت عليها اوى ولا نرميها فى الهوى
مهما جمعنا فيها هتروح واللى بيتبقى ليناالناس اللى حوالينا
يعنى لو خسرناهم هنفضل لوحدنا فى الدنيا دى
فما با لكم لو خسرناهم عشانها
انا بتكلم عن الفلوس
اللى الكل بيجرى وراها
ومش قادرين يعرفوا انها مجرد ورق
والله ولا تسوى اى شئ
قصدك ايه نرميها عشان نبسط اللى حوالينا
لا مش قصدى نرميها
خد يا سيدى ابسط مثال
لما واحد غنى شويه بيموت ايه اللى بيحصله
عادى اهله بيورثوه
ايوه بس سعات مبيبقاش عادى
العيله اللى بتبقى مترابطه أو ظاهريا مترابطه
أول ما الراجل الغنى ده يموت
بتقوم الدنيا ومش بتعد
مش زعلانين عليه
امال
عايزين يكبشوا على اكبر قدر ممكن
ويا سلام بقى لو الراجل ده عنده بنات بس
بتبقى كبشه كبيره
أه اكيد
محدش بيفكر ان البنات دول كانوا عايشين مستورين ايام ابوهم
ولما مات معتش حيلتهم غير الشويه اللى اتبقوا
مفيش حد ابن حلال يقول لأ
أنا مش محتاج الفلوس دى
أنا عايش الحمد لله
أنا هتنازل للبنات
ده مثال .... فى بقى مثال
تانىأب فاكر أن ولاده لازم يتربوا هما وأمهم ومحتاجين يتلاعبوا ع الشناكل
شناكل
ايوه شناكل ده احنا بقينا فى زمن العجايب
يقوم يدعى انه غلبان وعدمان ومش لاقى ياكل
وفى نفس الوقت هو عاين فلوسه فى كذا بنك مجزئهم يعنى
كذا بنك
مش بقولك شناكل
وفاكر ان هو مسئول عن مصاريف الاكل بس
والعيال وامهم يخبطوا دماغهم فى انشف حيطه تقابلهم
وطبعا علاجهم عليهم مش ناقصه كمان مصاريف علاج
لا حول ولا قوه الا بالله
انت لسه شفت حاجه
امال اللى يطلق عروسته عشان مش قادره تجيب اوده اطفال زى ما اتفقوا
واللى ....واللى .....واللى
كفايه..... حرام
بس انتى عرفتى كل ده منين
انا كتبت الموضوع ده عشان بجد الناس بقت عامله كده
بقت فلان = كام جنيه
مش فلان ده دين و من عيله اصيله وعلى خلق
ياريت نراجع قيمنا واولويتنا
ونشوف هل الفلوس مهمه اوى فى حياتنا
سهل اوى اننا نخسر اهلنا عشانها
ياريت نربى اطفالنا على حب الخير للناس
ونعرفهم ان الفلوس بتروح وبتيجى واللى بيفضل هو البنى ادم
ياريت يكون وصل
