انت تانى مش كفايه اللى عملته

عايز ايه تانى
مش حرام عليك اللى عملته فيا
......راجع بعد كل ده
جاى بعد كل السنييين دى
....ايه اللى فكرك بيا
ده اخر مره شفتك من زمان
من زمان اوى
من ايام مكنت لسه صغيره
اه
كنت رايحه اجيب فطار ومشيه
من جمب الفيلا بتاعتك
ومكنش على بالى
وفجاه حصل اللى حصل
طلعتلى مش عارفه منين
فجاه كده
لقيتك
بتهو هو
ايوه بتهوهو
مع انى مجيتش جمب الفيلا
انا اتخديت وفجاه بقيت فى البيت
مع ان المسافه بين فيلتك وبيت نينه حوالى 5 دقايق
ومن كام يوم معديه من جمب الفيلا وانا نسيه خالص
لقيت واحده راكبه العربيه بتقولى معلش يا انسه
انا اسفه اوى مش هقدر انزل من العربيه ممكن ترنى الجرس
جرس الفيلا) قولتلها اوك حاضر)
وفجاه وعلى سهوه
طلعتلى عشان تخدنى تانى
طب انا عملتك ايه
حرام عليك يا كلب
حرام
حرام

اسكندريه يا مجننانى

انا عارفه ان الموضوع ده هيزعل اهل بلدى
بس اعمل ايه بحبها والله
وزى ما بيقولو كده لا محبه الا ما بعد عداوه
انا سفرت اسكندريه مرتين
كرهت فيها اسكندريه جدا
وزعلت من فيروز
ازاى بتغنى للمدينه الزحمه دى
بس قولت اغير الصحبه اللى سافرت معاهم
واعيش تانى
واعيد الكره
متتخيلوش حبيت اوى اسكندريه بشكل جنونى

متتغريش اوى يا اسكندريه
بصراحه مهما كنتى
انا مش برتاح غير فى بورسعيد
انا حبيت اسكندريه عشان حسيت انها فيها شبيه من بلدى
محدش يعترض
والله حسه ان فيها شبيه من بلدى
وكمان بورسعيد احلى
بس حلاوه اسكندريه انى بحس فيها بلمسه انطلاق

فى سحر فن رائع
لمسه جمال مبدع
الوان ممزوجه بلون الميه يسحر

انا هسيبكم مع الصور
بس مش تتفرجوا عليها من بره

انا عايزاكم تقفم فيها شويه
هتحسوا بالانطلاقه
وانكم عايزين تطيروا وفى نفس الوقت تجروا ع الارض

اكيد الصور عجبتكم

اتمنى لكم صيف جميل ان شاء الله

بس يكون فى بورسعيد