انا بعتذر لكل الناس اللى غلطت غى حقها بقصد منى او من غير قصد.أنا الايام دى يمكن بعدت عن ناس كتير وناس كتير زعلت منى عشان مش بسال عليها زى الاول أنا نفسى زعلانه من نفسى
وكمان الفوتوشوب مبقتش بفتحه.انا مش عارفه انا عايزه ايه!! أنا بجد تايهه مش عارفه اعمل ايه
سافرت اسكندريه وقعدت فيها 10 أيام وهناك فى اسكندريه كنت تايهه اكتر مكنتش عارفه استمتع بأى حاجه
كل واحد زعلان منى معلش يسامحنى
أنا بحاول الاقى ايه بتاعه سنتين فاتوا
سنتين بالظبط مش عايزه اكتر من كده
كل سنه وانتم طيبين
رمضان ع الابواب
اللهم بلغنا رمضان
اللهم آمين
اشوفكم على خير
3 comments:
إزيك يا أية اخبارك ايه
انا الحمد لله مش زعلان منك ولا حاجة
انا بس بتمنى ربنا يوفقك وتلاقى نفسك وتعرفى انتى عايزة ايه وترجعى ايه بتاعة زمان اللى احنا عارفينها وتمتعينا بأعمالك الجميلة عالفوتوشوب
بالتوفيق ان شاء الله
السلام عليكم
ازيك يا ايه يا رب تكوني بخير
يعني اول زيارتي ليكي تقولي زعلانين و مش عارف ايه
انا عن نفسي مش زعلانه منك خالص
و هدعيلك ربنا يوفقك
.
زيزي
مين زعلان؟؟
انا اصلي جيت متأخر؟؟
وهو حد يزعل منك اساسا يا ايه؟؟؟
وبعدين ياستي لو الفوتوشوب مش شغال شيليه ونزليه تاني
نزلي ويندوز تاني
يعني الموضوع مش ازمة
اللهم بلغنا رمضان امين يارب
...
انتي بقالك كتير مش علي بلوجك خير في حاجة؟؟
يلا سلام
Post a Comment